Halli hallo - schön bisch Du da u nimsch Dir Zyt!
Ig bi d Natalie, di zwo kreative Häng hingerem Papaver orientale. Mitere grosse Liideschaft zur Natur u dr Floristik, viune gsammlete inspiratione u hie & da i Gedanke u Überlegige versunkä für ds nächstä Wärch wo einzigartig u mit viu liebi wird entstah.
Ig has gärn natürlech u wiud – am liebstä so wi sichs laht la arrangiere & wis o ihr Natur am schönschte isch.
Zäme mit mire Familie u viune häufende Zwärgli erschaffe mir ä wunderbari wouhfüuh Oase für Di. Ig darf mi aus glücklech schetzä ä so ä grossi ungerstützig im Hingergrund dörfe ds merkä. Darum heissts bim Papaver orientale o immer MIR.
Mir fröie üs uf dis da sih u sih Begeisteret, dir äs Stück vo üsere wärtvoue Natur mit zu dir hei ds gäh.
BIh üs fingsch du abem Früehlig...
mehrheitlech Schwizer Bluemewar, am liebschtä aber sogar Bluemä us dr Oberei. Jahr für Jahr möchte mir üs i däm Punkt necher ar Natur u ihrem natürleche Louf ahpasse. So chas si, dass Du ke Rose wirsch finge u di darfsch la überrasche, was zudäm Zytpunkt am blüihe isch. D Natur bietet üs ungloublechi Kunstwärch wo mir möchte nach Wunsch u Fiin-gfüehu arrangiere.
Oh bi Dekoratione u gstautete Wärchstück möcht mir immer meh ,,hiesigs„ ihbringä.
Äh ort Wo kener Gränze het
Gärn wettä mir ä Ort schaffe wo kener Gränze gsetzt sih. Doch ar Richtlinie ahpasst, dass aues wo mir drzue chöi bitrage müglescht vo üsere Umgäbig wird sih.
Papaver orientale – dr wärdegang vom Same, übere sensibu Keimling, zum Chnospä. Bi Sunneschyn fautet sich ä ärdeschöni Blüete us dä Keuchbletter, wo nach ihrer Blüetekunst d Kronbletter verliert u d Chraft id Chapslä mitem nöi gwachsne Same laht la ihfliessä.
So wachse o mir mit nöie Erfahrige u chöme einestages zum Ziu vo eigetem Bluemeabau u nachhautige Kreatione.
