Ahgebot

Goumefröid

Userwäuti Spezialitäte für ne feini Chuchi. Ob aus Gschänk oder für di säuber. Äs Kulinarischs Mitbringsu kombiniert mit Floristik.

Ig berate di gärn.

Für di Autag spezieuuer z mache

Ob Struss, Gsteck, kreativi Dekoratione, Gschänkartikle, Cherzä, Windliechter, Asseccoires…
es het auerlei Sache wo z’Härz erwärmt.

Garteglück

Äs überschoubars u saisonals Sortimänt für di Garte, Baukon oder dini Terrasse.

Fescht & Event

Wetsch ume mau es Fescht mache oder hesch ä bsungrigä Event? Mit mim Wüsse u mire kreativität, kreiierä ig dir ä bluemig usgschmückte Tag.

DUURUFTRAG & BLUEMEABO

Wär kennt das nid – mängisch fäuht eifach das gwüsse Öppis. Ob dr Igangsberiich ir Praxis, dr Tisch im Wartezimmer, ds chline Tischli mit dä Broschüre…

Ä Vase mit früsche Blueme, äs Windliecht kreativ arrangiert, dekoratione mit Trochäblueme zu üsne Jahreszyte – mit ärä floristische ungerstützig überchunnt ds Oug ä harmonische u wouhfüehlende Ihdruck.

Ä übberraschig für öpper wo dir am härze ligt oder äs Geburtstagsgschänk übernes ganzes Jahr verteilt – Blueme schänke macht fröid.

Chumm & mach mit

Immer inisch bis zwümau im Monet gits ä liebevou vorbereitetä Kursabe im charmantä Tribhuus mit ämne himmlische Gebäck & ämne gmüethleche zäme sih. Äs warms Jäggli isch drum sicher ä gueti Wauh wes richtig Herbscht zuegit.

Nach Ahfrag biete mir gärn für aui öppis ah.. sige das Firmä Workshops, Pouter Namitäg oder Babyshower Party – mir steuä dir üse einzigartig Ort zur verfüegig. Mäud di bi üs & mir gstaute zäme wunderbari Momänte für d Erinnerig.

Zwöi Ringe & es gmeinsams Ja

Möchtet Dir Öie einmalig Tag bluemig u natürlech gstautet ha? Dä Tag wo immer ih Erinnerige mit dür ds Läbe treit wird u ds Härz laht la hüpfe.

Mit viu gspüri, liidäschaft u härzlecher Beratig zoubere ig für öich ä unvergässlechi Bluemepracht.

Unändlech darf d’Erinnerig sih

Im Gartä vor Zyt wachst d Bluemä vom Troscht.Gärn berate ig Öich ih derä schwäre Zyt u gstaute nach öine Bedürfniss u Wünsch ä Bluemeschmuck i Würdevouem Rahme