Härzlech wiukomme im Papaver
Dr charmant Bluemelade, wo d’Natur i ihrer schönschte Form gfiiret wird. Ig bi stouz, Dir exklusivi Bluemekreatione und härzleche Service ds’bietä wo’s eso nur ufem Land müglech isch.
Inmitte vo saftige Hügle u Fäuder erwartet Di ä Oase vor Rueh u Authenzität. Aus liideschaftlichi Florischtin legä ig höchschtä Wärt uf d’Uswau vo de Blueme u Pflanze. Jedä Struss, jedi usgschmückti Pflanzä u jedes Arrangschma isch es handgfertigts Meischterwärch.
Mi chli Lade strauht ä ruschtikale Charme vo Landläbe us. D’Irichtig isch verschnörkelet u gmüethlech, d’Atmosphäre isch prägt vo Härzlechkeit. Bi mir gits ke Masseverchouf, sondern ä persönlechi Beratig, wo Diner Wünsch u Vorstellige im Mittupunkt stöh.
Papaver Orientale isch meh aus nume ä Bluemelade – es isch ä Ort, wo d’Schönheit vor Natur i vouer Pracht blüiht. Ig lade di härzlech i, chumm verbi und la di vo natürleche Bluemekreatione la inspiriere. Ob für ne bsundere Ahlass oder eifach, für Dir säuber ä Fröid ds’mache – bi mir fingsch ds perfekte Bluemeerläbnis ufem Land.
AHGEBOT
ÜBER MI
Halli hallo - schön bisch Du da u nimsch Dir Zyt!
Ig bi d Natalie, di zwo kreative Häng hingerem Papaver orientale. Mitere grosse Liideschaft zur Natur u dr Floristik, viune gsammlete inspiratione u hie & da i Gedanke u Überlegigä versunkä für ds nächstä Wärch wo einzigartig u mit viu liebi wird entstah.
Ig has gärn natürlech u wiud – am liebstä so, wie sichs laht la arrangiere & wis o ihr Natur am schönschte isch.
Ig fröie mi uf Dis da sih u bi Begeisteret, dir äs Stück vo üsere wärtvoue Natur mit zu dir hei ds gäh.
HIe fingsch mi
Papaver Orientale
Oberei 312
3618 Süderen
ÖFfnigszyte
MÄNTI
Het der Papaver zue
ZISCHTIG & MITTWUCH
Bstellige + Wünsch nimi gärn per SMS, WhatsApp, E- Mail oder Telefon entgäge. Dr Bluemelade het d Türe zue.
DONNSCHTIG & FRITIG
9.00–12.00 u 13.30–18.00
SAMSCHTIG
9.00–16.00
