Härzlech wiukomme im Papaver
Ds charmantä Atelier, wo d’Natur i ihrer schönschte Form gfiiret wird. Ig bi dankbar, Dir natürlechi & wiudi Bluemekreatione ds kreierä, ä härzlechi Begägnig wo dis innere darf heilend berüehre & d fröid vor Mama Nuna ds teilä.
Ihmitte vo saftige Hügle u Fäuder erwartet Di ä Oase vor Rueh u Authenzität. Aus naturverliebti Künschtlerin, legä ig Wärt uf d’Uswau vo de Blueme u Pflanze. Jedä Struss, jedi usgschmückti Pflanzä u jedes Arrangschma isch es handgfertigts Meischterwärch.
Üses Atelier strauht ä ruschtikale Charme vo Landläbe us. D’Irichtig isch verschnörkelet u gmüethlech, d’Atmosphäre isch prägt vo Härzlechkeit. Bi üs gits ke Masseverchouf, sondern ä persönlechi Beratig, wo Diner Wünsch u Vorstellige im Mittupunkt stöh.
Papaver Orientale isch meh aus nume ä Bluemelade – es isch ä Ort, wo d’Schönheit vor Natur i vouer Pracht blüiht. Mir lade di härzlech i, chumm verbi und la di vo natürleche Bluemekreatione la inspiriere. Ob für ne bsundere Ahlass oder für Dir säuber ä Fröid ds’mache – a däm verzouberete Ort hiä, erläbsch d Harmonie u d Friedlechkeit.
AHGEBOT
ÜBER ÜS
Halli hallo - schön bisch Du da u nimsch Dir Zyt...
..wüu Zyt isch ds kostbarschte Guet – genau so wi DU o.
Ig bi d Natalie, di zwo kreative Häng hingerem Papaver orientale. Mitere grosse Liideschaft zur Natur u dr Floristik, viune gsammlete inspiratione u hie & da i Gedanke u Überlegige versunkä für ds nächstä Wärch wo einzigartig u mit viu liebi wird entstah.
Ig has gärn natürlech u wiud – am liebstä so wi sichs laht la arrangiere & wis o ihr Natur am schönschte isch.
Zäme mit mire Familie u viune häufende Zwärgli erschaffe mir ä wunderbari wouhfüuh Oase für Di. Ig darf mi aus glücklech schetzä ä so ä grossi ungerstützig im Hingergrund dörfe ds merkä. Darum heissts bim Papaver orientale o immer MIR.
Mir fröie üs uf dis da sih u sih Begeisteret, dir äs Stück vo üsere wärtvoue Natur mit zu dir hei ds gäh.