Oh i däm Jahr hei mir üse gmüethlech Märit Tag dörfä gstaute.
Am Samschtig 17 Mai 2025 vom 9ni bis am 4i het üse 2. Papaver Märit statt gfungä.
Kreativi Sächeli, inspirierendi Kunschtwärk u voraue Zyt für dr dür ds schlenderä u derbi äs Käffeli ds gniessä. Ä Tag vouer Läbesluscht, Seeläglück, strahlende Gsichter, liebä Wort u Zfriidäheit.
dr papaver duet d türe vom bluemelade mit de klassische öffnigszyte schliesse. mir wärde zuekünftig für ahläss, kürs, härzenswünsch, märite u erschaffendi tate für di da si. wild u naturverliebt, flexibu u nid beständig – d fröid u ds härz si im vordergrund.