Nöi öffnigszyte abem 2. Apriu 2024
Am 18. März 2024 isches scho äs Jahr här wo mir hei dörfä d Eröffnig fiire. Ih däm spannende & lehrrichä Jahr hets mir dr Wäg vorgäh wo ig i Zuekunft möcht wyter gah. Ig wirde mi meh mine Kürs widme, vermehrt ds Märit gah, Events usprobiere & lah entstah. Meh Netzwärck chnüpfe für d Zuekunft & für di wytere Projektli.
Mi Presäntszyt im Bluemelade wird ahpasst. Wünsch u Bstellige nimä ig o am Zischti und am Mittwuch entgäge via SMS, Whatsapp, E-Mail oder Telefon. D’Säubschtbedienig wird bibhautet, so das Du we dr Lade nid offä het, o öppis wirsch fingä. Abem Herbscht wird ds Dach vom Container entstah u somit ä grösseri Uswauh ah dekoratione verussä zuelah. Mis Ahgebot blibt immerno glich, gärn dörft dir aber o im vorus öiie Wunsch bi mir ufgäh.
Kreativität bruucht Flexibilität. Ig fräue mi uf dä nöi Abschnitt. Danke für Öies Da sih.
härzlech, Natalie
Die nöie Öffnigszyte si wie fougt:
Mänti:
Het der Papaver Ruhetag
Zischtig:
Bstellige und Wünsch für d Wuche nimi gärn via Mail, Whatsapp, SMS oder Telefon entgäge.
Dr Lade blibt zue.
Mittwuch:
Bstellige und Wünsch für d Wuche nimi gärn via Mail, Whatsapp, SMS oder Telefon entgäge.
Dr Lade blibt zue.
Donnschtig:
09.00 – 12.00 | 13.30 – 18.00
Fritig:
09.00 – 12.00 | 13.30 – 18.00
Samschti:
09.00 – 12.00 | 13.30 – 18.00