Ahgebot

Goumefröid

Userwäuti Spezialitäte für ne feini Chuchi. Ob aus Gschänk oder für di säuber. Äs Kulinarischs Mitbringsu kombiniert mit Floristik.

Ig berate di gärn.

Für di Tag bsungrig z mache

Ob Struss, Gsteck, kreativi Dekoratione, Gschänkartikle, Cherzä, Windliechter, Asseccoires..

Mitem Härzä gärn, kreiere ig Dir ä saisonalä & einzigartigä Ougeblick.

Garteglück

Äs saisonals Sortimänt für di Garte, Baukon oder dini Terrasse.

Nach dim Wunsch & dine Bedürfniss.

Fescht & Event

Wetsch ume mau es Fescht mache oder hesch ä bsungrigä Event?

Mit mire kreativität, liidäschaft u intuition – kreiierä ig dir ä härzhafti u originelli Ihladig, ä Flyer, Namensschiudli, Tischchärtli oder was di Wunsch offe laht.

Zäme mitem Bluemige ergit das ä buntä – verspiutä & energie gladnä Fadä, wosech dür di bsungrig Tag tanzt.

DUURUFTRAG & BLUEMEABO

Ob dr Igangsberiich ir Praxis, dr Tisch im Wartezimmer, ds chline Tischli mit dä Broschüre oder di Chuchitisch.

Ä Vase mit früsche Blueme, äs Windliecht kreativ arrangiert, dekoratione mit Trochäblueme zu üsne Jahreszyte – mit ärä floristische ungerstützig überchunnt ds Oug ä harmonische u wouhfüehlende Ihdruck.

Ä übberraschig für öpper wo dir am härze ligt oder äs Geburtstagsgschänk übernes ganzes Jahr verteilt – Blueme schänke macht fröid.

Chumm & mach mit

Immer inisch bis zwümau im Monet gits ä liebevou vorbereitetä Kursabe im charmantä Tribhuus mit ämne himmlische Gebäck & ämne gmüethleche zäme sih. Äs warms Jäggli isch drum sicher ä gueti Wauh wes richtig Herbscht zuegit.

Nach Ahfrag biete mir gärn für aui öppis ah.. sige das Firmä Workshops, Pouter Namitäg oder Babyshower Party – mir steuä dir üse einzigartig Ort zur verfüegig. Mäud di bi üs & mir gstaute zäme wunderbari Momänte für d Erinnerig.