Mängisch hetmä doch eifach mega mega viu verschiideni Sächeli wo langsam zumne Stoubfänger tändierä… Darum chasch Du vom Mai bis i Oktober a jedem letschtä Donnschtig bi mir verbi cho u dini kreativität usläbe.
Mir steuä Dir aues zur Verfüegig wo dr Bluemelade het – natürlech saisonal u müglechst hiesigs. Du darfsch spontan cho icheluegä, dis Gspändli mitnäh oder mit dinä Kidis verbi cho. Öppis kreierä mit dä Finger u bimne Sirup, Käffeli u feinem Chueche ä chli verwiilä u gniessä.
Zum zahle isch ds Materiau wo Du bruchsch plus 10.00 für d Hiufsmittu.
Ig fröie mi uf Di u diner kreativä Wärchstück u bi gspannt uf vili einzigartigi Gstautige.
dr papaver duet d türe vom bluemelade mit de klassische öffnigszyte schliesse. mir wärde zuekünftig für ahläss, kürs, härzenswünsch, märite u erschaffendi tate für di da si. wild u naturverliebt, flexibu u nid beständig – d fröid u ds härz si im vordergrund.